‘MATAJIRI’ PSG washinda, MABINGWA Montpellier wafungwa!

Huko France kwenye Ligi 1, Timu ‘tajiri’ Paris St Germain imepanda na kushika nafasi ya 3 baada ya jana kuwafunga Toulouse 2-0 lakini Mebingwa watetezi Montpellier wameendelea kudorora baada ya kufungwa bao 3-1 na Stade de Reims, Timu iliyopanda Daraja Msimu huu.

Mabao ya PSG yalifungwa na Javier Pastore na Zlatan Ibrahimovic na kuwafanya wafikishe Pointi 9 kwa Mechi 5 wakiwa Pointi 3 nyuma ya vinara Olympique Marseille ambao watacheza ugenini Jumapili na Nancy.

Mabingwa Montpellier, ambao Jumanne ndio wataanza kucheza kwa mara ya kwanza UEFA CHAMPIONZ LIGI dhidi ya Arsenal, sasa wamekamata nafasi ya 14 baada ya kuchapwa bao 3-1 na Timu mpya Stade de Reims.

Stade de Reims walitangulia kufunga kwa bao la Diego lakini Montpellier wakasawazisha kwa bao la Remy Cabella.

Christopher Glombard na Gaaetan Courtet ndio walipiga bao mbili nyingine kwa Stade de Reims na kuwapa ushindi wa bao 3-1.

LIGI 1-RATIBA/MATOKEO:

Ijumaa Septemba 14

PSG 2 Toulouse 0

Stade de Reims 3 Montpellier 1

Jumamosi Septemba 15

ES Troyes AC v Lille OSC

Nice v Brest

Evian Thonon Gaillard FC v Bastia

Jumapili Septemba 16        

Olympique Lyonnais v AC Ajaccio

AS Nancy Lorraine v Olympique de Marseille